البنت جايلها عريس من النت *

من طرف الكرنك 1000 الأحد أبريل 24, 2011 9:49 pm

* البنت جايلها عريس من النت *
*عدة اجزاء تموت ضحك*

(الحلقة الاولى)

بنت جاية لأمها تقولها ان فى واحد متقدملى

أكيد ان امها بتفرح

بس المشكلة بقى بعد ما تسأل الأم بنتها :
عرفتيه من فين يا بت ؟

ترد وتقول : من النت يا أمـي

طبعــا الأم ...

وخصوصا انها لا تفقه أى شىء فى الكمبيوتر

سوى أنه جهاز يلعب عليه الأولاد ...!!!!

تعالــوا نشوف عفـاف

وهيا بتقول لأمها ان فى عريس

تركت عفاف الكمبيوتر التي تقضى عليه معظم وقتها فجأة

وصرخت بصوت عالى
مااااما ..... يا ماماااااااااااااااا .....يا ماماااااااااااااااا

الأم : فيه إيه يابت بالراحة إخواتك نايمين

عفاف: معلش يا ماما أصلى فرحانة ....
فرحانة اوي اوي

الأم: خير يا بنتى فرحينى معكاي كدا ربنا يفرح قلبك

عفاف: عريس يا ماما عريس

الأم فرحة : يا ألف نهار أبيض يا ألف نهار مبروك

لولولولولولولولولولولولولولوى

وبعد دقيقتين أحضان وقبلات تذكرت الأم

الأم: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟

عفاف: لأنى لسة عارفة دلوقتى حالا يا ماما

الأم بإستغراب: عارفة دلوقتى حالا؟؟؟؟؟؟

عارفة منين يابت دة انتى لسة قايمة دلوقتي
من قدام الكمبرورر....

عفاف ضاحكة : كمبرورر ايه بس يا ست الكل
اسمه كمبيوتر

الأم: مش مهم
المهم عرفتيه ازاى ؟
ومين أصلا العريس دةيعنى جاى منين؟

عفاف: من النت يا ماما
ظلت الأم المسكينة تنظر لابنتها باستغراب

وهى تراجع كل ما تعرفه من كلمات

ولم تجد لكلمة النت أثر بينها

فسألت عفاف..........

الأم: النت ؟ ودى تبقى فين دى يا بت؟

عفاف: فين ازاى يا ماما؟

الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟

عفاف ضاحكة : ايه يا ماما الى انت بتقوليه دة؟
مترو إيه وقطر إيه؟! دة النت

الأم: أيوة يا بنتى عرفنا انه الزفت
بس دة موقعه فى انه بلد بالظبط ؟

عفاف: فى كل البلاد يا ماما

الأم باستغراب : انتى اتهبلتى يا بت؟
يعنى إيه فى كل البلاد؟

عفاف: يا ماما النت دة عبارة عن كمبيوترات كتير
في العالم وفيه معلومات كتير اوى

الأم:معلومات ايه يابت انتى
هو انتى هتتجوزى دايرة المعارف؟؟؟؟؟؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟؟؟؟؟

عفاف: بعتلى إيميل

الأم فى ذهول: ايميل؟
بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!!

عفاف فى سرها طب افهمها ازاى دى بقىىىى ؟؟؟

عفاف:يا ماما اهدى إيميل جارنا مين بس ...!

الأم : مش انتى الى بتقولى يابت

عفاف: إيميل يعنى جواب بس على النت

الأم : برضه هتقوليلي عالزفت
يابنتى أنا مش فاهمة البتاع الى بتتكلمي عليه دة

عفاف:النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير

الأم : أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟

عفاف:هو اسمه حاتم
وطالب فى هندسة حاسبات

و قاطعتها الأم: طالب؟؟؟؟؟؟؟؟؟؟

عفاف: أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكي وهو يتصرف

اتصلى بيه انتى عالموبايل وأنا أكلمه
زمانه عالقهوة

وفى قهوة المعلم حسنين
رن الموبايل بتاع عم حلاوة العنتبلى الجزار

شوف المعلم العنتبلى يموت من الضحك فى الحلقه القادمة ....
البنت جايلها عريس من النت * 3762441180

من طرف الكرنك 1000 الأحد أبريل 24, 2011 9:50 pm

ام عفاف هتكلم المعلم حلاوة العنتبلى الجزار

علشان تقوله علي عريس عفاف

ويرررررررررررررن التليفون

حلاوة العنتبلى وبصوت خشن: أيوة مين ؟

الأم: أنا يا معلم

العنتبلى: عاوزة إيه يا ولية ؟؟؟؟؟

الأم: تعالى يا خويا شوف بنتك جايلها عريس من النت

العنتبلى: بتقولى منين ؟؟؟؟؟؟

الأم: من النت يا حاج

العنتبلى: يعنى إيه ؟ فهمينى

الأم: ياخويا لما أفهم أنا ابقى أفهمك

تعال انت واسألها بنفسك

العنتبلى: ماشى ... هخلص دور الطاولة دة وهاجى على طول

ثم أغلق الموبايل وأخذ يكلم نفسه

نت....!!!! دة يطلع ايه دة كمان؟؟؟؟

تكونشى الولية مراتى اتهبلت ؟؟؟؟؟

بس هى ناقصة هبل ؟ ماهيا كدا كدا مهبولة من يومها

سأله صاحبه زينهم الذى يلاعبه الطاولة: مالك يا معلم حلاوة ؟

انت بتكلم نفسك ولا ايه ؟

فانتبه المعلم حلاوة وقال العنتبلى: قولى يا زينهم

بما إنك كدا متعلم ومتنور ومعاك تالتة ابتدائى

يطلع إيه النت دة؟؟؟؟؟

طبعا المعلم زينهم اترسم بقى وأخذ وضع فخر وعزة وهو يجيب

وإنت ايه اللي عرفك بالأشكال دى يا معلم ؟؟؟؟

العنتبلى: اهو عرفت وخلاص بقى

زينهم: والله يا معلم حلاوة

أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل

فى العراق

العنتبلى : ااااااااااااه يعنى زى تليفزيون كدة يعنى

زينهم: لا يا معلم مش زى التليفزيون

وإنما تقدر تقول عليه جرايد بس بتتشاف على الكمبرورر

العنتبلى: يا دين النبى.

معقولة ياد الجرنال يدخل عالشاشة الصغيرة دى؟؟
طب بيدخلوه

ازاى؟؟

زينهم وقال عامل فيها فكيك بقى :

مش فى فتحات ورا فى الشاشة يا معلم

أكيد بيدخلوا الجرنال منها (ههههههههههههه)

العنتبلى: أكيد الناس دى فاضية وموراهاش أى حاجة تعملها

زينهم: هو كدة بالضبط يا معلم

بس ليه دة كله؟

العنتبلى: أصل الولية مراتى بتقولى بنتك جايلها عريس من النت

زينهم: ألف مبروك يا معلم

أكيد تقصد ان متقدملها صحفى!!!!!!!!!

العنتبلى وهو مبسوط: بجد ياد يا زينهم؟

زينهم: طبعا يا معلم

ماهو زى ما قلتلك النت عبارة عن جرايد عالكمبروتر

يبقى قصدها ان واحد جرنالجى اتقدملها

مبروووك يا معلم

كدة ممكن تعمل دعاية للمحل بتاعك فى الجرنال

وتطلع صورك انت والعجل فى صفحة الحوادث

العنتبلى: طب العب يا وش السعد العب

رمى زينهم الزهر ثم صرخ .......دش

راحت عليك يا معلم

من طرف الكرنك 1000 الأحد أبريل 24, 2011 9:51 pm

المهمالعنتبلى رجع لبيته ويشوف الحكايه دى

عفاف: يا ماما والنبي افهينىبقي عشان خاطرى

العريس دة لقطة ومفيش زيه فىالنت

أنا حبيته من كتاباته

الأم: كتاباته ؟؟؟؟ هومؤلف؟؟؟؟

عفاف: مش مؤلف قوى يعنى بس بيكتبعالنت

الأم: ودة بيكتب فى ايهبالضبط؟

عفاف: لالالالالالالالا يا ماما

دا ما شاء الله عليه ماخلاش حاجة إلا لما كتبعنها

الأم بخبث :ااااااااااااااااااااااه

مين يشهدللعروسة؟؟؟؟

عفاف: لا والله ياماما بكلمك جد

الأمبصوت عالى : اسمعى يا بت انتىأنا لا أعرف نت ولاكتابات

أبوكى زمانه جاى دلوقتي هو بقي يتصرفمعاكى

عفافوفي سرها : ماهيا دىالمصيبة

دخلالمعلم حلاوة العنتبلىفى هذه اللحظةمبتهجا

العنتبلى: مساءالخير

الأم:يسعد مساك ياخويا

تعالى بقى شفلك حل فى بنتكدى

العنتبلى: خير يا بنتى؟

عفاف: أبدا يا بابا مش انتواعاوزينى اتجوز

اهو جالى عريس ومع كدة ماما مشعاجبهااااااااااااا

العنتبلى : أكيد مش عاجبها عشانجاهلة

سيبك منها وقوليلى إيهالحكاية؟

عفاف: فى واحد طلب ايدى عن طريقالنت

وقالى انه جاد فى طلبه ومستعد يجيي فى أىوقت

العنتبلى: عال عالوإيهكمان؟؟؟؟

عفاف: يعنى انت مش معارض يا بابا؟

العنتبلى: واعارض ليه يابنتى

عفاففى فرح:طب ارد عليه اقولهايه؟

العنتبلىوبصوت خشن: تردي عليمين

عفاف:على حاتمياباباااااااااااااااااااااا

العنتبلىوبصوت خشن: حااااااااتم ميييييين؟

عفاف: العريس يابابا

العنتبلى :اااااااااااااااه مش تقوليلى كدة منالصبح

قوليلى الأول هو بيكتب فى أنهصفحة؟؟؟؟

عفاف: يااااااااااااااااهيابابا

دة بيكتب فى صفحات كتيرة اوي اوي

العنتبلى: عظيم

وياترى بقى هو مشهور كدا يعنى الناستعرفه؟

عفاف: أكيد يا بابا دة معروف جدا فىالمنتديات

العنتبلى: فينياختى؟؟؟؟؟

عفاف: فى المنتديات يا بابا

العنتبلى: ودى تطلع إيه دى كمان؟؟؟

عفاف:دى صفحات عالنت يا بابا بتجمع أعضاء كتيراوووي

وبيتكلموا فىمواضيع كتير

العنتبلى: يابت سيبك من النحوى دةوكلمينى كلام افهمه

عفاف في سرها: بقى دة نحوىياعالم

عفاف: حاضر يا بابا المنتديات دىزى

زى ايه قعدة المصطبة كدة

كل مجموعةواخدلها ركن وعمالين يتكلموا فى حاجة معينة

وبيبقى لهاشروط وقوانين معينة وكدة يعنى

العنتبلى: ااااااااااااااااااااه فهمت

يعنى زى سوق العجولكدة(ههههههههههههههههه)

عفافوقد فاض بها:عجول ايه بس يابا؟بقى المنتدى زى سوق العجول؟! (ههههههه)

العنتبلى : جرا ايه يابتانتي

مش عاجباكى العجول يا بنت عواطف<( امها )؟؟؟؟

مش العجول دى الى بناكل منها عيشوربتك انتى واخواتك لغاية ما كبرتى وبقيتى عجلةزى

أمك؟؟؟؟(ههههههههههههههه )

عفاف:طيب خلاص يابابا ...

المهم انه مشهور .. مشهوراوووي

العنتبلى: طيب نيجى للمهمبقىىىىىى

هو عرفك منين؟؟؟؟

شعرت عفاف بالرعب من السؤالفأجابت بسرعة

عفاف: لا يا بابا اوعى تفهمنى غلط

والله ما شافنى ولا مرة حتى فى أىحتة

العنتبلى: ماطبعا يا بنتى لأنه لو كان شافك مكانشى اتقدمأصلا^ هههههههههه

عفاف: وبعدين معاك بقى يا بابا.............
هو أنا وحشة اوي كدا ؟؟؟؟

العنتبلىمبتسماإبتسامة صفراء: يابت بضحكمعاكى

انتى زى القمر بس عيبك الوحيد انك شبه أمك (ههههههه)

الأم:جرالك ايه يا راجل إنت ماتتعدل فى الكلام أحسنلك

العنتبلى: احماحم

كنا بنقول إيه يا عفاف؟؟؟؟

عفاف: كنت بتسألنى هو عرفنىمنين؟؟؟؟

عموما هو عرفنى من النت

واتقدملى عنطريق النت

وإن شاء الله لو وافقتم هييجى يتقدملى علىطول

العنتبلى:وماله يا بنتى خليه ييجى عرفك من النت عرفك منالسلخانة

مش فارقة المهم انه وقع على بوذهههههههههههه

عفاففى سرها: ياخوفى من ألفاظكم دى الى تطفش 100عريس مش عريس واحد بس .....!!!!

العنتبلى: قوليله ييجى يوم الجمعة بعدالعصر

عفافمسرورة: حاضر يا بابا هقوله حالا

ودخلت مسرعة إلى حجرتهافاستعجب المعلم حلاوة العنتبلىوسألها العنتبلى: هتعملى إيه يابت؟؟؟؟

عفاف: هقوله يا بابا

العنتبلى: انتى يا بتأخذتى التليفون عندك؟؟؟؟

عفاف: لا يا باباأبدااااااااا

العنتبلى: امال هتقوليله إزاى من عندك؟

عفاف: هبعتلهإيميل

صرخالأبفجأة بصوت مزعجوعالى....................

وإيه الى جاب الواد إيميل عندك فىالأوضة؟؟؟؟ههههههههه

عفاف: يا بابا اهدى إيميل مين بس دة الىعندى

أنا أقصد هبعتله جواب عالنت

تذكرالعنتبلى :حواره مع زينهم والورق الذى يدخل من خلف الشاشةفقال

اااااااااااااااااااااااااااهأنا بحسب المهم بلغيه بالميعاد

وقبل أن يغادرإلتفت إليهاقائلا:بقولك إيه ياعفاف

بعد ما تكتبىالجواب حطيه بالراحة عشان الشاشةما تنفجرشىههههههههههههه

تابعته عفاف بنظرات الدهشة والحيرة وهى تقول فىنفسها

احط إيه وشاشة إيه دى الىهتنفجر؟؟؟؟؟؟؟

من طرف الكرنك 1000 الأحد أبريل 24, 2011 9:52 pm

وفى اليوم المحدد أتى العريس أنيقا مهتما بنفسه

بشكل ملحوظ وذو رائحة طيبة وفى أبهى صورة

واستبشر الجميع خيرا إلا أنه كما تعلمون
هناك سوء تفاهم رهيب

فالأم تعرف أنه طالب فى كلية محترمة
والأب يظنه صحفى مشهور

وعفاف مرعوبة من طريقة تعامل الوالدين
مع العريس خاصة والدها

كما أن المفاجأة غير المتوقعة أن العريس جاء بمفرده

ياترى ايه اللي هيحصل

&&&

رن جرس الشقة مرة واحدة

فأسرعت عفاف لفتح الباب

ولكن والدها أوقفها وأخبرها بأن تلزم غرفتها
حتى ينادي عليها

ثم فتح هو الباب ليجد شابا
وسيم وأنيق ذو رائحة طيبة

وابتسامة هادئة

وبيده كيس موز..............!!!!

استبشر حلاوة العنتبلى خيرا ودعاه للدخول

ولكنه أخذ ينظر وراءه فى تعجب لعدم وجود أحد معه

فأغلق الباب خلفه فى عنف وتغيرت ملامح وجهه وهو

يقول ............اهلااااااااااا

حاتم: اهلا بيك يا عمي

العنتبلى : خير يابنى؟؟؟؟

حاتم وهو قلق: هى الانسة عفاف
ما قالتش لحضرتك إني جاي؟؟؟؟

العنتبلى: اه قالتلنا

بس ماقالتلناش بإن سيادتك هتشرف لوحدك

حاتم: لا ياعمى منا مش جاى لوحدى
أنا معايا كيس موز

العنتبلى: لا ياااااااااااااااشيخ
كيس موز.......!!!! (ههههههههه)

الأم: ياما جاب الغراب لأمه

حاتم: طيب يا عمى ندخل فى المفيد

العنتبلى: ندخل فى المفيد
وهو انت متأكد انك جاى تدخل فى المفيد؟؟؟؟

حاتم: أكيد أكيد يا عمي امال أنا جاى ليه؟؟؟؟

العنتبلى: وإن شاء الله هندخل فى المفيد
بطولك كدة ولا ايه؟
من غير والدك ولا والدتك ولا عمك ولا خالك ولا أى حد

حاتم : لالالالالالالالالا يا عمي ماتقلقش

ماهو انتوا هتشوفوهم فى الفرح إن شاء الله
(هههههههههههههههههه)

وقف العنتبلى مرة واحدة صارخا:
نعم يا خوياااااااااا ؟ فى الفرح؟

حاتم: اتفضل بس وأنا هفهمك على كل حاجة ياعمي

العنتبلى : ادينا اتفضلنا اهوووووو نعم؟؟؟؟
اخلص خلصت المية فى زورك!!

أنا ياعمي اسمي حاتم

وعندى 22 سنة
و4 أشهر
و5 أيام
و5ساعات
ونص

الأم بعصبية : جرى اااااااايه يابنى انت؟؟؟
كان زمانك اتجوزت وخلفت كمان

العنتبلى: استنى بس يا أم عفاف لما نشوف اخرتها ايه معاه

حاتم: أنا ياعمي عندى شقة واسعة
والحمد لله وجاهزة عالفرش

العنتبلى : اه واللي بعده

حاتم : بس كدا وجاى اطلب ايد الانسة عفاف

طبعا أنا عارف انكم مستغربين إني جيت لوحدى

العنتبلى : الله ينور عليييييييييييييك
هو دة بقى المفيد

وفين الحاج والحاجة؟؟؟؟

حاتم : أصل بصراحه كدا ياعمي

بصراحة .........!!!!

الحاج والحاجة مش مقنتعين بحكاية جوازى من النت دى

العنتبلى صارخا بوجهه : نعم ياااااحبيبى؟؟؟؟؟

هو مين بقى اللي من النت انت ولا احنا؟؟؟؟؟

حاتم : احنا الإثنين يا عمي

العنتبلى : يابني انت هتلخبطنى ليييييييييه بقى؟
أنا جزار مش صحفي

حاتم: طيب وفيها ايه دي يا عمى
طيب ماهو أنا طالب مش صحفى

العنتبلى صارخا : مش صحفى؟؟؟؟

وكمان طاااااااااااالب.............!!!!

الأم : امال انت فاكر ايه يا حاج
ماهو طالب فى البتاعة دى
اللي بيشتغلوا فيها على الكمبرورر

العنتبلى : بقولك ايه خشي يا ولية نادي على عفاف

جاءت عفاف بسرعة ووالدها ينظر اليها بغضب

بينما ابتسم حاتم وهو يقول: اهلا يا انسة عفاف

عفاف : اهلا بيك يا أستاذ حاتم

العنتبلى : اقعدى يا عفاف وشوفى المصيبة دى...........!!

عفاف : مصيبة ايه بس يا بابا كفا الله الشر

العنتبلى : قال ايه البيه بيقولى انه طالب

عفاف : أيوة يا بابا منا عارفه ان هو طالب وفي هندسة
الحاسبات فى اخر سنة

العنتبلى : نعم يااااااااااااااختى ....؟؟
أنا كنت فاكره صحفى

حاتم : صحفى؟؟؟؟
بس أنا ياعمي عمرى ماكنت صحفى ولا هكون

عفاف: استنى بس يا حاتم
لوسمحت يظهر إن فيه سوء تفاهم حصل
وفاكرينك صحفى عشان أنا قلتلهم انك بتكتب فى المنتديات

ثم إلتفتت إلى والدها وهى تقول :

يا بابا الأستاذ حاتم بيكتب عالنت مش فى الصحافة

وكتاباته مميزة جدا جدا

العنتبلى: منا عارف إنه بيكتب فى الجرنال

وبعدين يدخل الجرنال فى الشاشة
عشان الناس تشوفه عالنت(ههههههه)
ااااااااااااايه انتوا فاكرينى جاهل ولا إيه؟؟؟؟؟
(ههههههههههههههههههههههه)

حاتم: لا ياعمى العفو....!!!!

عفاف : يابابا هو فيه جرنال فى الدنيا
بيدخل فى الشاشة بردوا ؟

هو مين اللي قالك كدة؟

العنتبلى : واحد صاحبى متعلم كدا
ومتنور ومعاه تالتة إبتدائى

هو اللي قالي إن الأخبار اللي بتشوفوها عالنت

عبارة عن جرايد بيدخلوها من فتحات الشاشة الى ورا

عفاف: تالتة إبتدائى؟؟؟؟؟ههههههههههه

يا بابا ....الكلام دة غلط
ومافيش جرايد بتدخل من الشاشة ولا

حاجة

بالنسبة للأخبار دى عبارة عن كلام مطبوع عالنت

العنتبلى: شوفى يا بنتى إنتى وهو من الاخر كدا

لو فضلتم سنة تتكلموا عن النت دة مش هفهم بردوا

المهم دلوقتى..............

بسلامته بقى والدك مش موافق ليه؟؟

هو احنا مش قد المقام يعني ولا ايه ؟؟

حاتم : لا ياعمى العفو
دة شرف ليهم إنهم يناسبوا حضرتك انت

وطنط

الأم : طنط؟؟؟؟؟؟؟؟

طنط مين يا ضنايا؟!؟؟؟؟؟؟؟

عفاف : اهدي بس يا ماما هو يقصد إنه يحترمك مش أكتر

حاتم: أيوة طبعا زى ما قالت عفاف كدة بالضبط

الأم: بس معلشى يابنى لا طنط ولا مذاماذيل اقولك

قولي يا حاجة أحسن

حاتم : حاضر يا حاجة

العنتبلى: طيب لما هو شرف ليهم مش موافقين ليه

بقىىىى؟؟؟؟

عفاف : هو يقصد يا بابا إنهم مش موافقين
على الطريقة نفسها

يعنى الزواج عن طريق النت

العنتبلى : طب ليه يا بنتى
مش دة جواز على سنة الله ورسوله؟

حاتم : أكيد يا عمي بس تقول اااااايه بقى ربنا يهديهم

العنتبلي: طيب ممكن بقي تقولى
ازاي بنتي عجبتك من غير ما تشوفها حتى

يعنى انت أصلا جاي بناءا على ايه؟؟؟؟؟

نظر حاتم إلى عفاف وهو يقول......

من طرف الكرنك 1000 الأحد أبريل 24, 2011 9:53 pm

العنتبلي: طيب ممكن بقي تقولى

ازاي بنتي عجبتك من غير ما تشوفها حتى

يعنى انت أصلا جاي بناءا على ايه؟؟؟؟؟

[/center]

نظر حاتم إلى عفاف وهو يقول............

عجبتنى مشاركتها ياعمى
(وبعد تسبيل عشر دقائق
قرر حاتم انة ينطق )

حاتم: بص ياعمى انا قابلتها اول مره فى موضوع بيتكلم

عن السجاير كلامها لفت نظرى اوى

العنتبلى: اخص عليكى يا عفاف بقا كدا

تخليه يشجع الزمالك عن الاهلى

حاتم: لاياعمى دى خلتنى اسيب الكوره خالص

واشجع الوحده الاسلاميه بس..

دا بعد ما اقتنعت بكلامها طلبت من الموديراتور

يقفل الموضوع و.......

قاطعه العنتبلى: طلبت من مين ياخويا؟؟؟؟؟

حاتم: الموديراتور

العنتبلى: ويطلع ايه الموتور ده كمان؟

عفاف : بقصد المشرف يابابا اللى بينظم المكان

العنتبلى: طيب

حاتم: المهم بقا بدئت اعجب بيها

واهتم بمشاركتها ومشيت وراها فى كل موضوع تروحه

وبقيت ارد على مشركتها ونسيت

اشكر صاحب الموضوع الاصلى وبعد كدا لقتها داخله

موضوع شمس وقمر قلت نلعب واستنتها

كتير تقول قمر مافيش فايده المهم قلت لازم البنت دى

تبقى من نصيبى لانها محترمه اكتر الوقت

مشراكتها هادفه وطلبت من المشرف اميلها

ومرداش ابدا

طبعا العنتبلى والام قاعدين مسبهلين ومش فاهمين اى

حاجه

ويستمعون لحاتم ويهزون برؤسهم كأنهم فاهمين

فتبسمت عفاف بخجل وقالت: امال عرفت اميلى منين

حاتم: قدرررررر ....

لاقيتك كتباه لوحده صحبتك قمت اخدته على طول

العنتبلى وهو متنرفز: بقولك ايه ياض انت ادخل بقا فى
المفيد

حاتم: حاضر ياعمى.. انا زى ماقولت لحضرتك انى اخر

سنه فى كليه الهندسه و ناوى بعد ما

اتخرج هدور على شغل

وهشتغل على طول وانا يسعدنى ان عفاف تكون شريكه

حياتى

العنتبلى: طب واهلك فينهم؟

حاتم: مش مهم اهلى المهم انا مش انا اللى هتجوز ولا هما؟؟؟

وانا نويت اتجوزها خلاص

العنتبلى : بتقول ايه مش مهم اهلك ؟ اسمع بقا يااض انت

قاطعته عفاف: يابابا

العنتبلى: اسكتى يابت انتى وامشى ادخلى اوضتك

تاتك خابط فى نفوخك

حاتم وهو مرعوب: نعم ياعمى

العنتبلى وقد فاض به: اسمع ياض انت بقى

أنا صابر عليك من الصبح وإنت عمال تحكيلى قصة

حياتك ولا كأنك صلاح الدين

وبعدين عمال تقولي كنت بجرى ورا البت

عالنت من موضوع

لموضوع لغاية ما قطعت نفسى وجيت اتقدمتلها

حاتم: مش بقول الصراحه ياعمى

العنتبلى: صراحه ايه وكمان جايلى

ومن غير اهلك اعمل بيك ايه بطولك

وداخل بكيس موز ليه

انت جاى تزور قرد

وعمال تقولى ناوى ناوى بقالك نص ساعه ناوى

وعلى ايه مش عارف والمصيبه لسه طالب كمان

حاتم: بس ياعمى

قاطعه العنتبلى: بقولك ايه انا معنديش

بنات للجواز واتفضل المقابله انتهت

حاتم: طب نتفاهم بس ياعمى

العنتبلى: بقولك ايه انت هتخرج من نفسك ولا اعلقك

زى الدبيحه عندى فى المحل ..

اجرى ياوليه هاتى السطور من جوه

حاتم: لالالالالا خلاص ياعمى سلام عليكم

العنتبلى: وعليكم السلام ياسى طالب افندى .... قال

عريس من النت قال بكره تجبلى عريس من الانترنت

نهايه متوقعه ومؤسفة هههههههههههههه

ونبى انا
زعلت على حاتم