محشى ورق عنب وكوسا بالريش من مطبخى

من طرف شهد الإثنين ديسمبر 27, 2010 5:44 am

اقدم لكم اليوم محشى ورق عنب وكوسا بالريش من مطبخى

[ندعوك للتسجيل في المنتدى أو التعريف بنفسك لمعاينة هذه الصورة]
نعمل بقى التسبيكه او التخديعه ( كلها لهجات مصريه)ههههههه
فنقول افضل نعمل صلصه المحشى
طبعا
بصل مبشور نشوحه فى معلقتين سمن لحد يصفر وبعدها نضيف معلقه ثوم وجنزبيل
مفروم ولما تدبل نضيف عصير الطماطم المصفى ونضيف علبه صلصه كامله ده فى
حاله لو الطماطم كانت مش حمرا كفايه ونضيف ملح وفلفل اسود مطحون ونسيبها
لحد ما تتسبك وتتقل خالص بيكون شكلها كده
[ندعوك للتسجيل في المنتدى أو التعريف بنفسك لمعاينة هذه الصورة]

بعدها فرمت الخضره ( شبت وكزبره) وضفت معلقتين كبار ثوم مفروم
[ندعوك للتسجيل في المنتدى أو التعريف بنفسك لمعاينة هذه الصورة]

بعدها ضفت التسبيكه
[ندعوك للتسجيل في المنتدى أو التعريف بنفسك لمعاينة هذه الصورة]

وضفت البهارات
ملح
جنزبيل
ببريكيا
بردوقش
قرفه
بهار مشكل
معلقه مطحون(الحبهان- قرنفل -ورق لورا- نعناع)

بعدها غسلت الرز وصفيته كويس وضفته للخلطه

[ندعوك للتسجيل في المنتدى أو التعريف بنفسك لمعاينة هذه الصورة]

دى كده خلطه المحشى المعتمده عندى
--------------
بعدها نخلى الخلطه على جنب ونروح نحضر حله المحشى الاول
شوحت الريش فى شويه زيت زيتون
[ندعوك للتسجيل في المنتدى أو التعريف بنفسك لمعاينة هذه الصورة]

كده الريش اتشوحت وشويه الزيت الصغيرين اللى اتشوحت فيهم احتفظت بيهم زى ماهما
[ندعوك للتسجيل في المنتدى أو التعريف بنفسك لمعاينة هذه الصورة]

جبت الحله رصيت اول طبقه ترنشات سميكه من البصل وكام فص ثوم
[ندعوك للتسجيل في المنتدى أو التعريف بنفسك لمعاينة هذه الصورة]

بعدين رصيت طبقه بطاطس شرائح

[ندعوك للتسجيل في المنتدى أو التعريف بنفسك لمعاينة هذه الصورة]

بعدها رصيت الريش وصبيت عليها الزيت اللى شوحتها فيه وهو قليل جدا مش كتير لكن بيحتوى على نكهه التشويح
ورشيت رشه ملح وفلفل وبهار عليهم

[ندعوك للتسجيل في المنتدى أو التعريف بنفسك لمعاينة هذه الصورة]

بعدها خدت الخلطه بتاعه المحشى اخدت جزء منها ضفت عليه لحمه مفرومه معصجه وحشيت الكوسا
[ندعوك للتسجيل في المنتدى أو التعريف بنفسك لمعاينة هذه الصورة]

بعدها بباقى الخلطه لفيت ورق العنب ورصيتو فوق الكوسه
ورصيت عليهم شرائح طماطم وقطع من فصوص الثوم
[ندعوك للتسجيل في المنتدى أو التعريف بنفسك لمعاينة هذه الصورة]

رشيت
على الوش شويه زيت زيتون وثلاث اكواب شوربه لحم عليها معلقه ملح ليمون
وتركت الحله على النار حولى نص ساعه على نار قويه بعدها نص ساعه على نار
هاديه جدا ودى النتيجه
[ندعوك للتسجيل في المنتدى أو التعريف بنفسك لمعاينة هذه الصورة]

[CENTER]ارجو الطبق يكون عجبكم

من طرف **مدير المنتدى** الجمعة أبريل 01, 2011 2:18 pm

[ندعوك للتسجيل في المنتدى أو التعريف بنفسك لمعاينة هذا الرابط]

محشى ورق عنب وكوسا بالريش من مطبخى

محشى ورق عنب وكوسا بالريش من مطبخى

رد: محشى ورق عنب وكوسا بالريش من مطبخى